पाँचथर। पाँचथरको याङवरक गाउँपालिकामा प्रथम तरुण दल गोल्डकप फुटबल प्रतियोगिता हुने भएको छ।
नेपाल तरुण दल याङवरक गाउँपालिका ३ कार्य समितिले आयोजना गरेको सो प्रतियोगिता यही असाेज १५, १६ र १७ गते हुने खेल संयोजक अमित लिम्बूले जानकारी दिनुभयो ।
गुप्तेश्वर खेलमैदानमा हुने प्रतियोगिताको खेल तालिका पनि आयोजकले सार्वजनिक गरिएको छ।
एक लाख बराबरको जिबन बिमासहिद आयोजना गरिएको प्रतियोगितामा १३ टोलीको सहभागिता रहेको छ । प्रतियोगिताको विजेताले ट्रफीसहित नगद ५० हजार ५ साथै उप-बिजेताले नगद २५ हजारसँगै ट्रफी मेडल प्रमाणपत्र प्राप्त गर्नेछन् ।
त्यस्तै प्रतियोगिताको बेष्ट गोलकिपर ,बेष्ट प्लेयर , बेष्ट डिफेन्स, सर्वाधिक गोलकर्ताले पनि ट्रफी मेडल प्रमाणपत्र प्राप्त गर्ने छन्। प्रतियोगितामा पूर्वका नाम चलेका खेलाडीहरूको पनि सहभागिता रहनेछ ।
