एजेन्सी। आईसीसी लिग-२ अन्तर्गत त्रिकोणात्मक सिरिजको अन्तिम खेलमा आज नेपालले ओमानको सामना गर्दैछ।
क्यानडाको किङसिटीमा हुने खेल नेपाली समयअनुसार राति पौने ९ बजे सुरु हुनेछ।
सिरिजका तीनै खेलमा पराजित नेपाली क्रिकेट टोली ओमानलाई पराजित गर्दै प्रतियोगिताको सुखद अन्त्य गर्न चाहन्छ। पहिलो खेलमा नेपाल ओमानसँग १ विकेटले पराजित भएको थियो।
यस्तै घरेलु टोली क्यानडासँग पहिलो खेलमा १ सय ३ रनको फराकिलो अन्तरले हारेको नेपाल दोस्रो खेलमा ५ विकेटले पराजित भयो।नेपाली टोलीले लिग-२ का पछिल्ला ५ खेलमा लगातार हार भोगिरहेको छ।
पछिल्लो समय खराब प्रदर्शन गरिरहेको नेपाली टोली लिग-२ मा दोस्रो जितको खोजीमा छ ।
ओपनर कुशल भुर्तेल, दीपेन्द्रसिंह ऐरी र कुशल मल्ल आजको खेलमा सुरुवाती ११ मा आउन सक्नेछन्।
लिग-२ त्रिकोणात्मक सिरिजपछि नेपाली टोलीले यही टोलीसँग टी-२० आई सिरिज खेल्नेछ।