दमक। उपाधि दाबेदार रामधुनी भेट्रान फुटबल क्लबलाई पराजित गर्दै आयोजक रातो झापाको झिलझिलेमा जारी नवीन स्मृति कप भेट्रान फुटबल प्रतियोगिताको दोश्रो चरणमा प्रबेश गरेको छ।
विजयी टिमका लागि मित्र बस्नेतले गोल गरे । उनले दोश्रो हाफको दशौं मिनेटमा पेनाल्टी मार्फत गोल गरेका थिए । खेलको म्यान अफ द म्याच विजयी टिमका अंकुर खड्गी भए । उनले नगद दुई हजार हात पारे ।
शुक्रबार प्रतियोगिताको उपाधि दाबेदार दुई टोली हाम्रो भेट्रान फुटबल क्लब धरान र दमक लखनपुर भेट्रान क्लब आमनेसामने हुनेछन् ।
प्रतियोगिताको विजेताले नगद ७१ हजार र उपविजेताले नगद ४१ हजार रुपैयाँ हात पार्नेछन् । प्रतियोगिताको आयोजना झिलझिले भेट्रान फुटबल क्लबले गरेको हो ।
