बिर्तामोडलाई पाखा लगाउँदै ईटहरी सेमिफाइनलमा

दमक। उपाधि दाबेदार झापाको बिर्तामोड नगरपालिकालाई पाखा लगाउँदै ईटहरी उपमहानगरपालिका मोरङको उर्लाबारीमा जारी अन्तर पालिका दोश्रो उर्लाबारी भेट्रान्स कप फुटबल प्रतियोगिताको सेमिफाइनलमा प्रबेश गरेको छ।

उसले बिर्तामोडलाई एक शुन्यको झिनो अन्तरमा पाखा लगाएको हो । पहिलो हाफ बराबरीमा सकिएको खेलमा दोश्रो हाफको १३ औं मिनेटमा निर्मल तामाङले फ्रिकीक मार्फत गोल गर्दै ईटहरीलाई अग्रता दिलाएका थिए ।

एक शुन्यले पछिपरेको बिर्तामोडले आँफुले पाएका अबसर सदुपयोग गर्न नसक्दा खेलमा फर्कन सकेन्। ईटहरीले पनि आधा दर्जन अबसर खेर फालेको थियोे ।

जितसँगै ईटहरीले फाईनल प्रबेशका लागि धरानसँगको भेट पक्का गरेको छ। मंगलबार उपाधि दाबेदार दुई टोली बिराटनगर र सुन्दरहरैँचा आमनेसामने हुनेछन् ।

प्रतियोगिताको विजेताले नगद पचहत्तर हजार र उप-विजेताले नगद पचास हजार रुपैयाँ हात पार्नेछ । राधिका माविको खेल मैदानमा जारी प्रतियोगिताको आयोजना उर्लाबारी भेट्रान्स फुटबल क्लबले गरेको हो।